Ашальчи Оки рассказ Новая прялка
911
Ашальчи Оки рассказ "Новая прялка - Выль кубо"
Векшина Акулина Григорьевна (Акилина)
( 1898-1973)
Ашальчи Окилэн веросъёсыз
Рассказы Ашальчи Оки
Выль кубо
Пичи Жагалы лулӟыны ик эрик уг сёто: черсы но черсы, шуо. Мунёен шудэмысь но ало, ульчае потаны но уг лэзё.
- Вырӟылытэк Поршур аби сямен пукы, кубо вылад губырт?ськыса!..
Кубоез коть кубо кадь луысал ке. Сисьмем кубо, сисьмем сюмори сётӥзы но, черсы, шуо... "Ӵок, уг черсы ни! Мемие ачиз мед черсоз!" - Жага мунёен шудыны кутске.
Со куспын мумиз, "Жага, нош ик мунёед борды кутскиськод-а?" шуыса, кеське. "Али гинэ черсыны кутскемед вал ук, дугдӥськод но-а ини? Кужед чик уг кулэсмы ук - черсы сюлмысьгес. Бугоред олокытӥ но костаськыса ветлэ, тани куака караз нуоз али".
Та кылъёсыз Жага нуналлы быдэ оло сю пол но кылэ, дыр, нош пеляз уг поны, кылымтэ амал кариськыса, мунёез борды кутске.
Мумиз зулемысь уг дугды: "Мар таӵе ужлы азьтэм луоно та ныл? Ку озьы черсыны дышод? Дугдылытэк мунёен гинэ шудыса пуке, оло, гогыез ик мунё куды борды бурмем, лэся. Калыклэн нылпиез кыӵе ужлы сюлмо луэ! Тани Митрей Мани тонэн огарес, но черсыны пуксе ке, кубо бордаз бурмем кадь пуке... Олокӧня бугор черсэм ини!.."
Манилэсь черсэмзэ верамлы пичи Жага уг чида. Сь?д вирыз ик кисьт?ськымон, вожез потэ. Амалыз ке луысал, Маниез жугысал но, дыр. Ялан со Манилэн ужаменыз Жагаез туйыло. Адями кадь луысал ке коть: гижло п?лы ?ыкмем ини.
"Со но мон кадь шудысал, дыр, но, эшъёс солэсь юрдо. Ӧжыт кин ке бордаз йӧтэ ке, быз-з-з бӧрдыны кутске но корказ пыре. Со сисьмем Манилэн кадь но черсэмед уг луы шуэ ук мемие..." - озьы ас понназ малпаськыса, туж вожез потыса Жага мылыз потытэк черсыны кутске. Черс бордаз каллен гинэ позыртэм зӧк шорт бинялтӥське.
Черсэ Жага. Кема черсэ кадь ини, нош кужез чик уг кулэсмы. Туж начар куж сётэм мемиез.
Тани огинтыын кужез чик черсыны луонтэм пышиесь. Мар-о сое чер- сыны курадӟонэз? Жага мыжык быдӟа кужзэ кыске но мумиз коркась потон куспетй учоге куштэ. Кужез ӧжыт кулэсме. Жага черсэм нерге карыса пуке. Малпаське. Черсэмез уг поты, шуо... Туж черсысал, дыр, Жага, выль кубоез луысал ке... Сисьмем кубоен черсэмез уг поты солэн. Выль кубоен Жага син куспын дас бугор черсысал. Кеносын песяйлэн вуж сандыкез вань - сое Жага бугоръёсын тырмытысал. Соку мемиез но Маниен ӧй туйылысал ни... Малы меда та дядяй чебер гинэ ӵуж буям кубо уг лэсьты? Ӵужмурт лэсьтыса мед сётоз вал. Со Жагаез туж яратэ, но кубо кузьманы нодэз ӧвӧл... Ӵок, дядяй ик мед лэсьтоз-а, мар-а...
- Атай,- шуэ Жага,- ку мыным чебер кубо лэсьтод ини? Уг черсы мон та сисьмем кубоен!..
- Лэсьтытоно ке лэсьтытоно-а, мар-а ӵужмуртсэ... Кылэм уг поты ини дугдылытэк кубо пумысь зулемзэ. Выль кубо ас понназ черсоз кожа, лэся.
Изь ини, валес вылад выдыса! Нырулыса пукиськод. Ӵуказе ӵужмуртэд кубо лэсьтоз,- шуэ атаез.
Жага туж шумпотыса валес вылаз выдэ но кулэм кадь ик умме усе. Вӧта... Ӵужмуртэз солы - гуртын ӧвӧл - сыӵе чебер кубо кузьмам! Ӵуж буям, лыз пужыё. Вань эшъёсыз паймо. "Оло, та Жагалэн таӵе чебер кубоез вань-а?" - шуо. Собере кубозэ но сюморизэ дэмен гуртэтӥ нулло. Коркалы быдэ пыраса, басма чук люкало. Туж уно ӵуж, вож, лыз, горд басма чук люказы.
Бератсэ Митрей Маниос доры пыризы. Мани Жагалэсь кубозэ адӟиз но, "тон кадь азьтэм муртлы сисьмем кубо но яралоз" шуыса, Жагалэсь выль кубозэ басьтӥз. Жага пала нокин дурбасьтӥсь ӧз луы. "Со кулэ солы, со кулэ!" - шуо вань эшъёсыз, ымзэс кырыжтыса. Жагалэн сюлмыз ик чутырак луиз.
- Анай, малы кубоме басьтӥзы? - шуыса, ум йылтӥз черектӥз.
- Козма шу, Жага, мар дауртӥськод? - мемиез вазиз.
- Кубоме басьтӥзы! - Жага чагиськиз но нош ик кулэм кадь умме усиз.
1924
Ашальчи Оки.
Новая прялка
Маленькой Жаге даже свободно вздохнуть не дают: пряди да пряди, говорят. Ни с куклой поиграть, ни на улицу выйти.
- Сиди, сгорбившись над прялкой, как бабка Поршур, и не двигайся!
Была бы прялка как прялка, а то дали развалюху - вот и пряди. "Нет, ни за что не стану прясть! Пусть мама сама прядет!" - девочка начинает играть с куклой.
А в это время мамин голос: "Жага, ты опять за куклу? Только что взялась за работу и уже устала? Пошустрей, пошустрей, кудель-то совсем не убавляется. И клубок покатился, гляди, ворона унесет в свое гнездо, и не заметишь".
Такие слова Жага слышит в день по сто раз, но не замечает их и тихо баюкает любимую куклу.
Мать не устает повторять: "Отчего ты такая ленивая? Никак не оторвешься от куклы, будто пупком привязана к ней. Так никогда не научишься прясть. Вон, Митрей Мани твоя ровесница, а прядет-то как, клубков ее не счесть!.."
И здесь Жага сердится не на шутку: была бы ее воля, она бы отколотила противную девчонку. И лица-то не видать: вся в болячках.
"Мани бы тоже рада поиграть, да с ней никто не дружит. Чуть заденешь ее, так она сразу в слезы и уходит домой. Подумаешь, недотрога! А мама ставит её в пример",- думает в сердцах Жага и снова принимается за работу. Медленно наматывается на веретено толстая пряжа.
Прядет Жага. Прядет долго, а кудель совсем не убавляется. Вон конопля попалась, прясть невозможно. Чего мучаться? И пока мать выходит из дома, девочка берет кудель величиной с кулак и бросает в печку. Кудели немного поубавилось. Жага задумывается... Лентяйкой ее зовут... Вот была бы у нее новая прялка, она б тогда вмиг напряла десять клубков и уложила в старый бабушкин сундук, что стоит в амбаре. То-то мать удивилась бы. И почему отец не делает ей красивую прялку? Не хочет она больше прясть на этой развалюхе! Хоть бы чужмурт (брат матери) сделал. Он так любит ее, мог бы и подарить.
- Атай (отец), - просит Жага,- сделай мне новую прялку. Не хочу я больше прясть на этой развалюхе!
- Ладно, скажу твоему чужмурту, чтобы сделал, а то надоела уже со своей прялкой. Что, думаешь, новая прялка сама будет прясть? Иди, ложись, уже поздно.
Обрадованная Жага тут же засыпает. Видит сон... Чужмурт подарил ей такую прялку, какую в деревне не найдешь: желтую, с синими узорами, всем на удивление. "Твоя, что ли?" - спрашивают подружки. Потом прялку носят по домам, украшают разноцветной бахромой.
Зашли к Митрей Мани. "Тебе, лентяйке, и старая рухлядь сойдет",- сказала она Жаге и отобрала прялку. А подружки в один голос: "Так тебе и надо!"
Будто нож вонзили в сердце Жаги.
- Мама, почему мою прялку отобрали?! - сквозь сон вскрикнула девочка.
- Господи, что с тобой? - встревожилась мать.
- Прялку отобрали! - пробормотала девочка и снова уснула.
Перевод Л.Нянькина